اسلام آباد(مانیٹرنگ ڈیسک)95ملین ڈالر برطانیہ منتقلی کا معاملہ ، ملک کے معروف اور امیر ترین شخص میاں منشا کو نیب طلبی کا نوٹس ۔ نجی ٹی وی رپورٹ کے مطابق ملک کے معروف صنعتکار اور بزنس مین اور امیر ترین شخص میاں منشا کو نیب نے طلب کر لیا ہے ۔ نیب نے میاں منشا کو 95ملین ڈالر
کی برطانیہ منتقلی کے حوالے سے طلب کیا ہے۔ نجی ٹی وی رپورٹ میں ذرائع کے حوالے سے دعویٰ کیا گیا ہے کہ میاں منشا نے 95ملین ڈالر لندن منتقل کئے اور وہاں اس رقم سے ہوٹل خریدا۔ نیب نے میاں منشا کو 17اگست کو طلب کیا ہے جہاں تین رکنی نیب ٹیم میاں منشا سے اس معاملے پر سوالات کریگی۔
