لاہور ( این این آئی) پاکستان تحریک انصاف کے چیئرمین عمران خان کی زیر صدارت پارلیمانی پارٹی کا اجلاس آج ( بدھ ) ہو گا جس میں پنجاب کے وزیراعلیٰ کے نام کا اعلان متوقع ہے۔تفصیلات کے مطابق تحریک انصاف نے پنجاب میں حکومت سازی کے لیے ممبران کی تعداد مکمل کرلی ہے اور دعویٰ کیا ہے 29آزاد ارکان میں سے

25ارکان تحریک انصاف میں شامل ہوچکے ہیں۔پی ٹی آئی کی پارلیمانی پارٹی کا اجلاس آج ( بدھ ) اسلام آباد میں منعقد ہو گا جس میں پاکستان تحریک انصاف میں شامل ہونے والے آزاد ارکان بھی شریک ہوں گے ۔اجلاس میں عمران خان قائد ایوان کے نام کا اعلان کریں گے جبکہ اسپیکراورڈپٹی اسپیکر کے ناموں کا فیصلہ بھی ہوگا۔