لندن (نیوز ڈیسک) میاں نواز شریف اور مریم نواز ایون فیلڈ ریفرنس میں سزا سنائے جانے سے قبل لندن میں مقیم تھے، جب سزا سنائی گئی تو لندن میں ان کے فلیٹس کے باہر احتجاج کا سلسلہ شروع ہو گیا جو میاں نواز شریف اور ان کی صاحبزادی مریم نواز کے اڈیالہ جیل جانے کے بعد بھی جاری ہے مگر اب یہ احتجاج وقفوں سے جاری ہے۔ سوشل میڈیا پر ایک ویڈیو وائرل ہے جس میں لندن میں میاں نواز شریف کے فلیٹس کے باہر پاکستانیوں
کے ایک گروپ نے اونچی آواز میں نواز شریف مخالف گانے چلا کر ان کے گھر کے باہر احتجاج کیا، ان احتجاج کرنے والوں پر نواز شریف کے گھر سے مبینہ طور پر پانی بھی پھینکا گیا، اس ویڈیو کے علاوہ لندن فلیٹس کی ایک تصویر بھی منظر عام پر آئی ہے اس تصویر میں ان فلیٹس کے باہر دو پوسٹر لگے ہوئے نظر آ رہے ہیں جن میں سے ایک پر گونواز گو اور دوسرے پر میاں نواز شریف کے گھر کو پانامہ ہاؤس لکھا گیا ہے۔
