اسلام آباد(مانیٹرنگ ڈیسک) پیپلزپارٹی کا وزارت عظمیٰ کا انتخاب لڑنے کا فیصلہ ۔نجی ٹی وی کے مطابق پیپلزپارٹی کے چیئرمین بلاول بھٹو کی صدارت میں پارٹی کا مشاورتی اجلاس ہوا۔جس میں انتخابات 2018ء میں ہونے والی دھاندلی کیخلاف احتجاجی تحریک چلانے اور قومی اسمبلی میں کردار ادا کرنے سمیت دیگر آپشنز پرغور کیا گیا۔
اجلاس کے دوران پیپلزپارٹی نے قومی اسمبلی میں بلاول بھٹو زرداری کوبطوروزیراعظم کا امیدوار نامزد کرنے کا فیصلہ کرلیا جبکہ بلاول بھٹو زرداری کو قومی اسمبلی میں اپوزیشن لیڈر کیلئے بھی سامنے لایا جائے گا۔سابق اپوزیشن لیڈر خورشید شاہ کوقومی اسمبلی میں پارلیمانی لیڈر بنانے کا بھی امکان ہے۔دریں اثنااجلاس میں پیپلزپارٹی کی جانب سے سندھ میں تنہا حکومت بنانے کا فیصلہ کیا گیا ہے۔
