اسلام آباد(مانیٹرنگ ڈیسک)علامہ اقبال کی بہو جسٹس (ر) ناصرہ جاوید اقبال کو اگلا صدر پاکستان منتخب کئے جانے کا امکان ۔نجی ٹی وی کے مطابق سابق چیئرمین سینیٹ محمد میاں سومروکا نام بھی صدر کے لیے پیش کیا گیا تاہم ناصرہ اقبال کو صدر بنانے کی تجویز پر غور کیا جا رہا ہے اور نئی حکمران جماعت میں اس تجویز کو پذیرائی بھی مل رہی ہے ۔جس کے بعد ان کے نام پر سنجیدگی سے غور شروع کردیا گیا ہے۔
واضح رہے جسٹس (ر) ناصرہ جاوید اقبال سپریم کورٹ کے سابق جج، شاعر مشرق علامہ اقبال کے صاحبزادے جسٹس (ر) جاوید اقبال مرحوم کی اہلیہ ہیں۔نجی ٹی وی کے مطابق جسٹس ریٹائرڈ ناصرہ جاوید اقبال کے نام پر عمران خان نے بھی مثبت رائے کا اظہار کردیا ہے۔واضح رہے کہ اس سے پہلے صدر پاکستان کے عہدے کیلئے ایٹمی سائنسدان ڈاکٹر عبدالقدیر کا نام بھی زیر گردش تھا ۔
