اسلام آباد (این این آئی)پاکستان تحریک انصاف کے چیئرمین عمران خان نے کہا ہے کہ ان کی حکومت چین کے ساتھ اپنے تعلقات مزید مضبوط بنائیگی۔چینی زبان میں اپنے ٹویٹ میں انہوں نے کہاکہ ہم چین پاکستان اقتصادی راہداری کی کامیابی کیلئے کام کرنا چاہتے ہیں۔عمران خان نے کہاکہ
غربت کے خاتمے کیلئے چین کے تجربے سے استفادہ کرنے اور یہ جاننے کیلئے کہ غریبوں کا معیار زندگی کس طرح بلند کیاجاسکتا ہے ، ایک ٹیم چین بجھوائی جائیگی ۔پاکستان میں چینی سفارتخانے نے چینی زبان میں پاکستان تحریک انصاف کے چیئرمین کے ٹویٹ کا خیرمقدم کیا ۔
