اسلام آباد (این این آئی) سابق وزیراعظم نوازشریف اور ان کی صاحبزادی مریم نواز کا فیصلہ اب عمران خان کے ہاتھ میں،نگران حکومت کا بڑافیصلہ،ن لیگ کیلئے خطرے کی گھنٹی بج گئی،نگراں حکومت نے سابق وزیر اعظم محمد نوازشریف اور مریم نواز کا نام ای سی ایل میں ڈالنے کا معاملہ اگلی حکومت پر چھوڑنے کا فیصلہ کیا ہے ۔نگراں وزیراعظم جسٹس (ر) ناصر الملک کی سربراہی میں کابینہ کے اجلاس میں ای سی ایل کی کمیٹی نے سفارش کی تھی کہ نواز شریف اور مریم نواز کا نام ڈالنے کا معاملہ اگلی حکومت پر چھوڑ دیا جائے۔ کمیٹی نے
پی آئی اے کے چیف ایگزیکٹو آفیسر مشرف رسول اورنیشنل بینک کے نئے صدر کی تقرری کا معاملہ نئی حکومت پر چھوڑنے کا فیصلہ کیا ہے ۔اجلاس میں فیصلہ کیا گیا کہ ایم کیو ایم پاکستان کے خلاف منی لانڈرنگ کیس کی منتقلی رپورٹ آئندہ حکومت کوبھجوادی جائے ۔واضح رہے کہ اگلی حکومت تحریک انصاف کی بننے کی توقع ہے اور ان کے وزیراعظم کے امیدوار عمران خان ہیں۔اس صورتحال میں نوازشریف اور ان کی صاحبزادی مریم نواز کے مستقبل کا فیصلہ توقع کی جارہی ہے کہ متوقع نئے وزیراعظم عمران خان ہی کرینگے۔
