لاہور (مانیٹرنگ ڈیسک)تحریک انصاف حکومت سنبھالتے ہی پنجاب ، خیبر پختونخواہ اور سندھ کے گورنرز کو ہٹانے کا فیصلہ کر لیا ہے ۔ ذرائع کے مطابق تحریک انصاف کی اعلیٰ قیادت نے حکومت سنبھالتے ہی سندھ ، پنجاب اور خیبر پختونخواہ کے گورنرز کی حیثیت سے کام کرنے والے مسلم لیگ (ن)کے رہنمائوں کو
ہٹانے کا فیصلہ کیا ہے۔واضح رہے کہ پنجاب میں مسلم لیگ ن کے ملک رفیق رجوانہ، سندھ میں محمد زبیر جبکہ خیبر پختونخواہ میں اقبال ظفر جھگڑا صوبائی گورنر کی حیثیت سے فرائض سر انجام دے رہے ہیں ۔ جبکہ بلوچستان کے گورنر محمد خان اچکزئی پشونخواہ ملی عوام پارٹی کے سربراہ محمود خان اچکزئی کے بھائی ہیں۔
