اسلام آباد(مانیٹرنگ ڈیسک)این اے 98اور 144کے نتائج ایک ہی لیٹر ہیڈ پر آنے انکشاف، نجی ٹی وی سماء کے مطابق (ن )لیگ کے ہاتھ سے لکھے فارمز کا پول کھل کر سامنے آگیا،این اے 98اور 144کے نتائج ایک ہی لیٹر ہیڈ پر آنے کا انکشاف ہوا ہے ۔ملتا جلتا لیٹر ہیڈ اور کہیں نہیں صرف اسلام آباد میں ہے ۔ دوسری جانب الیکشن کمیشن نے کہا ہے کہ لیٹر ہیڈ اور دستخط جعلی ہیں ۔واضح رہے این اے 98 کا حلقہ بھکر ٹو ہے جب کہ این اے 144 اوکاڑہ فور میں ہے۔

دریں اثنا سرکاری اور غیر حتمی نتائج کے مطابق تحریک انصاف کو قومی اسمبلی کی 119 جبکہ مسلم لیگ (ن) کو 61 نشستوں پر برتری حاصل ہے۔ پیپلز پارٹی کو قومی اسمبلی کی 40، متحدہ مجلس عمل کو 8، ایم کیو ایم پاکستان 8 اور گرینڈ ڈیموکریٹک الائنس کو 5 نشستوں پر برتری حاصل ہے۔اسی طرح بی این پی مینگل 4، مسلم لیگ (ق) 4، عوامی مسلم لیگ اور اے این پی کوایک ایک نشست پر برتری حاصل ہے،18 نشستوں پرآزاد امیدواروں کوبھی برتری حاصل ہے۔