اسلام آباد(مانیڑنگ ڈیسک) قومی اسمبلی کے حلقے این اے 72 سیالکوٹ میں مسلم لیگ (ن)کے چودھری ارمغان نے تحریک انصاف کی فردوس عاشق اعوان کو شکست دیدی۔غیر حتمی اور غیر سرکاری نتائج کے مطابق سیالکوٹ کے قومی اسمبلی کے حلقے این اے 72 میں مسلم لیگ ن نے میدان مار لیا، مسلم لیگ ن کے چودھری ارمغان ایک لاکھ 29 ہزار 41 ووٹ لےکرکامیاب قرارپائے جبکہ ان کے مدمقابل فردوس عاشق اعوان 91 ہزار 392 ووٹ حاصل کر سکیں
۔دریں اثنالاہور کے حلقہ این اے 125 سے پاکستان مسلم لیگ ن کے وحید عالم کامیاب ، پی ٹی آئی کی یاسمین راشدکو شکست کا سامنا ۔غیر حتمی و غیر سرکاری نتائج کے مطابق پی ٹی آئی کی امیدوار یاسمین راشد شکست سے دوچار ہو گئی ہیں۔ وحید عالم خان حلقے سے ایک لاکھ 22 ہزار 627 ووٹ لیکر کامیاب جبکہ پی ٹی آئی کی یاسمین راشد کوایک لاکھ 5 ہزار 857 ووٹ حاصل ہو سکے۔
