اسلام آباد(مانیٹرنگ ڈیسک)این اے 191میں تحریک انصاف کی زرتاج گل اخوند نے مسلم لیگ ن کے مضبوط امیدوار اور سابق وفاقی وزیر سردار اویس خان لغاری کو ہرا کر حلقے کی تاریخ بدل دی ۔ تفصیلات کے مطابق حلقہ این اے 191ڈیرہ غازی خان 1میں تحریک انصاف کی زرتاج گل اخوند نے مسلم لیگ ن کے امیدوار سردار اویس خان لغاری کو 74ہزار سے زائد ووٹ لیکر شکست سے دوچار

کر دیا ہے جبکہ ن لیگ کے امیدوار نے اس حلقے سے 54ہزار سے کچھ زائد ووٹ حاصل کئے ہیں۔ واضح رہے کہ گزشتہ رات شہباز شریف کی جانب سے الیکشن مسترد کئے جانے کے حوالے سے پریس کانفرنس کے دوران انہوں نے حلقہ این اے 191کا بھی ذکر کیا جس میں انہوں نے پولنگ عملے کی جانب سے رزلٹ جاری نہ کرنے اور پولنگ ایجنٹس کو باہر نکالے جانے اور فارم 45نہ دینے کا بھی ذکر کیا تھا۔