اسلام آباد (آئی این پی ) سیکرٹری الیکشن کمیشن بابر یعقوب فتح محمد نے کہا ہے کہ فارم 45کی کوئی کمی نہیں ،ا گر کسی کو فارم 45نہیں مل رہا تو ان پولنگ اسٹیشنوں کی تفصیلات دی جائیں، ہمیں یہ شکایت مل رہی ہے کہ کچھ امیدواروں کے پولنگ ایجنٹس جہاں پر وہ دیکھ رہے ہیں کہ رزلٹ اچھا نہیں آرہا تو

وہ فارم 45لیے بغیر جا رہے ہیں،قانون کے مطابق جتنے پولنگ ایجنٹس کی اجازت ہے اتنے ہی پولنگ اسٹیشن کے اندر جا سکتے ہیں۔ بدھ کو الیکشن کمیشن کے باہر میڈیا کو بریفنگ دیتے ہوئے سیکرٹری الیکشن کمیشن نے کہا کہ الیکشن پر انعقاد پر پہنچ چکا ہے کچھ جگہوں سے پریس کانفرنسیں ہوئیں کہ فارم 45نہیں دیئے جا رہے ، میں نے مریم اورنگزیب کی پریس کانفرنس پر ڈی آر او لاہور اور راولپنڈی سے بات کی ، ڈی آر او لاہور نے کہا کہ بتایا جائے کہ جس پولنگ اسٹیشن پر فارم 45نہیں ملے میں ایکشن لیتا ہوں ۔ ڈی آر او لاہور نے اس الزام کی تردید کی ہے جبکہ ڈی آر اوراولپنڈی نے بھی اس الزام کی تردید کی ہے ۔ سیکرٹری الیکشن کمیشن نے کہا کہ کراچی میں بھی چیک کیا ہے فارم 45کی کوئی کمی نہیں ،ا گر کسی کو فارم 45نہیں مل رہا تو ان پولنگ اسٹیشنوں کی تفصیلات دی جائیں ۔ انہوں نے کہا کہ ہمیں یہ شکایت مل رہی ہے کہ کچھ امیدواروں کے پولنگ ایجنٹس جہاں پر وہ دیکھ رہے ہیں کہ رزلٹ اچھا نہیں آرہا تو وہ فارم 45لیے بغیر جا رہے ہیں ۔ ہمارے پاس فارم 45موجود ہے ،قانون کے مطابق جتنے پولنگ ایجنٹس کی اجازت ہے اتنے ہی پولنگ اسٹیشن کے اندر جا سکتے ہیں ۔