راولپنڈی (مانیٹرنگ ڈیسک) قومی اسمبلی کے حلقہ این اے 57 راولپنڈی کے اب تک آنے والے غیر سرکاری اور غیر حتمی نتائج انتہائی حیران کن ہیں، اس حلقے میں مسلم لیگ (ن) کے شاہد خاقان عباسی اور تحریک انصاف کی جانب سے صداقت خان عباسی امیدوار تھے، اب تک کے آنے والے غیر حتمی اور غیر سرکاری نتائج کے مطابق تحریک انصاف کے امیدوار
صداقت خان عباسی 6394 ووٹ لے کر پہلے نمبر پر ہیں جبکہ پاکستان مسلم لیگ (ن) کے شاہد خاقان عباسی اب تک 4677 ووٹ لے دوسرے نمبر پر ہیں جبکہ دوسری جانب قومی اسمبلی کے حلقہ این اے 53 میں ن لیگ کے شاہد خاقان عباسی نے اب تک 1940 ووٹ حاصل کیے ہیں جبکہ ان کے مقابلے میں تحریک انصاف کے چیئرمین عمران خان 5089 ووٹ لے کر پہلے نمبر پر ہیں۔
