اسلام آباد (این این آئی)پاکستان مسلم لیگ (ن) نے الیکشن کمیشن سے پولنگ کا وقت 6 بجے سے بڑھا کر 7 بجے تک کرنے کی درخواست کی تھی جسے کمیشن نے مسترد کردیا۔سماجی رابطے کی ویب سائٹ ٹوئٹر پر شائع ہونے والے ایک پیغام میں مسلم لیگ (ن) کی جانب سے جاری کردہ پریس ریلیزشائع کی گئی ہے۔

مسلم لیگ (ن) کی پریس ریلیز میں کہا گیا کہ ووٹرز کی لمبی لمبی قطاریں لگی ہوئی ہیں ٗ جبکہ صرف 3 سے 4 افراد کو پولنگ اسٹیشن میں داخل ہونے کی اجازت دی جارہی ہے۔الیکشن کمیشن نے اس درخواست کو مسترد کرتے ہوئے کہا کہ پولنگ کا وقت 6 بجے تک ہی رہے گا۔