کراچی(سی پی پی)’’عمران خان آپ اور مجھ سے اللہ پوچھے گا‘‘۔یہ بات پی ٹی آئی کے ایک کھلاڑی نے اس وقت کہی جب وہ عامر لیاقت کو ووٹ ڈالنے گیا۔تفصیلات کے مطابق پی ٹی آئی کے نظریاتی کارکنوں میں عبدالباسط بھی شامل ہیں جو آغا خان یونیورسٹی میں فنانس منیجر کے عہدہے پر فائز ہیں ۔

انہوں نے پی ٹی آئی کو عامر لیاقت حسین کی وجہ سے انتہائی بوجھل دل کے ساتھ اپنا ووٹ دیا ۔انہوں نے فیس بک پر لکھا میں نے انتہائی بوجھل دل کے ساتھ ووٹ دیا، عمران خان تم سے اللہ پوچھے گا(اور مجھ سے بھی)کیونکہ تم نے مجھے مجبور کیا کہ میں عامر لیاقت حسین کو ووٹ دوں۔عبدالباسط نے مزید کہا کہ وہ اس وقت کے بارے میں سوچ رہے ہیں جب عامر لیاقت الیکشن جیت جائے گا اور ہنستے ہوئے کہے گا ہاں بھائی ، کیسا دیا۔