اسلام آباد(مانیٹڑنگ ڈیسک) نواز شریف کی والدہ شمیم اختر نے بھی  ووٹ کاسٹ کر دیا ۔نجی ٹی وی  کے مطابق سابق وزیراعظم نواز شریف کی والدہ شمیم اختر نے لاہور کے حلقہ این اے 124 میں اپنا ووٹ کاسٹ کیا۔ اس موقع پر ان کے ہمراہ مسلم لیگ ن کے رہنما حمزہ شہباز بھی موجود تھے جو دادی کو پولنگ اسٹیشن لے کر آئے۔ نواز شریف کی والدہ نے اسلامیہ کالج ریلوے روڈ کے پولنگ اسٹیشن پر اپنا ووٹ کاسٹ کیا۔

اس سے پہلے مسلم لیگ (ن) کے قائد شہباز شریف نے حلقہ این اے 130میں اہلیہ اور بیٹے سلمان شہباز کے ساتھ لائن میں کھڑے ہوکر ووٹ کاسٹ کیا تفصیلات کے مطابق بدھ کے روز سابق وزیر اعلیٰ پنجاب شہباز شریف نے لاہور کے حلقہ این اے 130 کے جونئیر ماڈل سکول کے پولنگ اسٹیشن میں اپنی اہلیہ اور بیٹے سلمان شہباز کے ساتھ لوگوں کی لائن میں لگ کر ووٹ کاسٹ کیا ۔ اس موقع پر انہوں نے قومی پرچم کے رنگ میں ملبوس سبز رنگ کا لباس پہنا ہوا تھا۔