اسلام آباد (مانیٹرنگ ڈیسک) رانا ثنا اللہ کے حامیوں کا پولنگ سٹیشن پر دھاوا، زبردستی اندر گھس گئے، پی ٹی آئی کارکن کا تشددکر کے بازو توڑ دیا۔ تفصیلات کے مطابق پی پی 133فیصل آباد میں سابق وزیرقانون پنجاب رانا ثنا اللہ کے آبائی حلقے میں لیگی کارکنوں نے پولنگ سٹیشن پر دھاوا بولتے ہوئے زبردستی اندر داخل ہو کر پی ٹی آئی کارکن پر تشدد کر کے

اس کا بازو توڑ دیا ہے۔ لیگی کارکنوں اور پی ٹی آئی کے حامیوں میں اسوقت جھگڑا شروع ہوا جب پی ٹی آئی کے حامیوں نے لیگی کارکنان کو پولنگ سٹیشن کے اندر جانے سے منع کیا۔ لیگی کارکن پی ٹی آئی حامیوں کی جانب سے منع کرنے پر اشتعال میں آگئے اور انہوں نے جھگڑا شروع کردیا اور پی ٹی آئی کے کارکن کو تشدد کا نشانہ بناتےہوئے اس کا بازو توڑ دیا۔