اسلام آباد(مانیٹرنگ ڈیسک)قومی اخبار میں خواجہ سعد رفیق کی جانب سے اشتہار کی اشاعت، پاکستان تحریک انصاف نے انتخابی مہم ختم ہونے کے بعد اشتہار کی اشاعت کو ضابطہ اخلاق کی خلاف ورزی قرار دیتے ہوئے الیکشن کمیشن سے نوٹس لینے کا مطالبہ کر دیا۔تفصیلات کے مطابق قومی اخبار میں خواجہ سعد رفیق کی جانب سے اشتہار کی اشاعت پر پاکستان تحریک انصاف نے انتخابی مہم ختم ہونے کے بعداشتہار کی اشاعت کو ضابطہ اخلاق کی
خلاف ورزی قرار دیتے ہوئے الیکشن کمیشن سے نوٹس لینے کا مطالبہ کیا ہے۔ پی ٹی آئی کے مرکزی میڈیا ڈیپارٹمنٹ کی جانب سے جاری بیان کے مطابق پاکستان تحریک انصاف کے سینئر نائب صدر بابر اعوان نے کہا ہے کہ خواجہ سعد رفیق نے قومی اخبارات میں ایک صفحے کا اشتہار چھاپ کرانتخابی ضابطہ اخلاق کی دھجیاں اڑا دی ہیں ، الیکشن کمیشن خواجہ سعد رفیق کے خلاف ضابطے کی کارروائی کرے ۔انہوں نے کہاکہ سعد رفیق سے باز پرس کی جائے۔
