لاہور ( این این آئی) مسلم لیگ (ن) کے رہنما حنیف عباسی نے کہا ہے کہ راولپنڈی والوں میرے ساتھ ناانصافی کا بدلہ 25 جولائی کو شیر پر مہر لگا کر لینا۔مسلم لیگ (ن) کے رہنما دانیال چوہدری نے اپنے ٹوئٹر اکاؤنٹ پر حنیف عباسی کا خط شیئر کیا ۔ جس میں انہوں نے راولپنڈی کے شہریوں اور تاجروں سے کہا ہے کہ راولپنڈی والوں میرے ساتھ ناانصافی کا بدلہ 25جولائی کو لینا،
میں اس وقت ناکردہ گناہوں کی اسیری کاٹ رہا ہوں، شیر پر مہر لگا کر میری ناانصافی کا بدلہ لو۔واضح رہے کہ 21 جولائی کو راولپنڈی کی انسداد منشیات عدالت نے مسلم لیگ (ن) کے رہنما حنیف عباسی کو ایفی ڈرین کیس میں عمر قید کی سزا جبکہ دیگر 7 ملزمان کو عدم ثبوت کی بنا پر شک کا فائدہ دے کر بری کر دیا تھا۔حنیف عباسی کو انتخابی سیاست کے لیے تاحیات نااہل بھی قرار دیا گیا ہے۔
