اسلام آباد(این این آئی)خیبرپختونخوا گورنرہاؤس کے ترجمان علی خان نے وضاحت کی ہے کہ گورنر پنجاب اورگورنرکے پی کے کی سابق وزیراعظم نوازشریف سے ملاقات دن کے اجالے میں ہوئی ہے ملاقات خفیہ ہرگزنہ تھی ملاقات کی گورنرہاؤس نے باقاعدہ پریس ریلیز جاری کی اوراین آر او سے متعلق خبریں بے بنیاد اور جھوٹی ہیں ۔ایک یبان میں ترجمان نے کہاکہ ملاقات میں
میڈیکل بورڈ اورآئی جی جیل خانہ جات بھی موجودتھے انہوں نے کہاکہ نوازشریف کی صحت سے متعلق خبریں آنے پردونوں گورنرز ان کی خیریت دریافت کرنے گئے تھے نوازشریف دونوں گورنرز کے لیڈر اورسابق وزیراعظم پاکستان ہیں ۔ترجمان نے کہاکہ نوازشریف نے ڈیل یا این آراو لیناہوتا تو وہ پاکستا ن واپس کیوں آتے نوازشریف نے ڈیل کرنا ہوتی تو وہ باہرملک سے بیٹھ کرکرتے۔
