لاہور( این این آئی ) پاکستان کی تاریخ میں 25تاریخ اور بدھ کے روز اہم واقعات ہوئے ۔16نومبر 1988کے عام انتخابات بدھ ہی کے روز ہوئے تھے۔ جس میں پیپلز پارٹی کی حکومت بنی اور بینظیر بھٹو اسلامی ممالک کی پہلی خاتون وزیر اعظم منتخب ہوئی تھیں۔24اکتوبر 1990بدھ کا سورج محمد نواز شریف کیلئے کامیابی کی نوید لیکر طلوع ہوا۔6اکتوبر 1993بروز بدھ کے دن بے نظیر شہید کے لیے دوسری حکومت کی نوید لایا۔ 6 اکتوبر 1993بروز بدھ کو پیپلزپارٹی عام انتخابات میں
کامیاب ہوئی تھی۔بات کریں عمران خان کی تو عمران خان کی زندگی میں 25 کا ہندسہ بھی نیک شگون کی علامت ہے۔ 25 مارچ 1992ء میں پاکستان عمران خان کی کپتانی میں پہلی بار کرکٹ کا ورلڈ چمپئن بنا تھا اور اس روز بدھ کا دن تھا۔عمران خان نے پاکستان تحریک انصاف کی بنیاد بھی 25 اپریل 1996کو ہی رکھی تھی۔عمران خان نے اسلام آباد میں جاری 126 دن کا دھرنا بھی بدھ ہی کے روز ختم کرنے کا اعلان کیا تھا۔ 17 دسمبر 2014کو بدھ ہی کا روز تھا۔
