اسلام آباد (نیوز ڈیسک)درگاہ حضرت امام حسینؑ کے متولی آقائے سید افضل اور درگاہ حضرت عباس علمدار ؑ کے متولی آقائے سید احمد صافی نے ڈاکٹر غضنفر مہدی کی استدعاپرحالیہ انتخابات میں پاکستان تحریک انصاف کی کامیابی کے لئے خصوصی دعا کی۔ دریں اثنا پاکستان تحریک انصاف کے ممتاز رہنماؤں جن میں سید ظفر علی ، سید واجد بخاری ،ڈاکٹر غضنفر مہدی ، سید زلفی بخاری،پیر مجتبی فاروق گل بادشاہ
،مفتی ظہور اللہ ہاشمی اور مخدوم سید نزاکت حسین شاہ نے درگاہ حضرت بری امام، درگاہ حضرت پیر مہر علی شاہ، موہڑہ شریف،درگاہ حضرت شاہ اللہ دتہ باکھری اور حضرت سید سخی محمود بادشاہ کاظمی کے مزارات پر گزشتہ شام حاضری دی۔اور 25جولائی کو ہونے والے انتخابات میں پاکستان تحریک انصاف اور حلقہ53 سے پاکستان تحریک انصاف کے چیئرمین عمران خان کی کامیابی کے لئے دعائیں کیں۔
