تلہ گنگ (سی پی پی )مسلم لیگ (ق) کی انتخابی مہم پر حملہ۔ حملہ آور نے 5 افراد کو قتل اور 2 کو زخمی کرنے کے بعد خود کو گولی مار کر خودکشی کرلی۔تفصیلات کے مطابق کل الیکشن ہونے جارہے ہیں اور تمام سیاسی جماعتیں اپنے اپنے مخالفین کو شکست دینے کے لیے تیار ہیں۔گزشتہ رات 12بجے تمام تر سیاسی جماعتیں اپنی انتخابی مہم ختم کرچکی ہیں۔اس موقع پر تلہ گنگ میں انتہائی افسوسناک واقعہ پیش آیا ہے۔

اس واقعے کے مطابق تلہ گنگ کے نواحی علاقے لاوہ میں مسلم لیگ ق کی انتخابی مہم کے سلسلے میں ایک مختصر اجتماع ہو رہا تھا۔ تاہم اس سیاسی سرگرمی کے ختم ہوتے ہی وہاں موجود ایک مشکوک شخص نے وہاں موجود لوگوں پر اندھا دھند فائرنگ کردی۔اس واقعے کے نتیجے میں 5 افراد جاں بحق  جب کہ 2 لوگ زخمی ہیں۔اس واقعہ کے بعد حملہ آور نے خود کو گولی مار کر خود کشی کرلی ہے۔اطلاع ملتے ہی پولیس جائے وقوعہ پر پہنچ گئی۔