راولپنڈی (آئی این پی) حلقہ این اے 60 راولپنڈی کے انتخابات ملتوی ہونے کے باوجود اس کے تحت آنے والے قومی اسمبلی کے دو حلقوں حلقہ پی پی 16 اور 17 میں کل 25 جولائی بروز بدھ شیڈول کے مطابق انتخابات منعقد ہونگے ۔ تفصیلات کے مطابق مسلم لیگ (ن) کے امیدوار حنیف عباسی کے ایفیڈرین کوٹہ کیس میں سزا یافتہ ہونے کے باعث الیکشن کمیشن نے حلقہ این اے 60 راولپنڈی پر
انتخابات ملتوی کر دیئے جسے شیخ رشید نے ہائی کورٹ میں بھی چیلنج کیا تھا تاہم لاہور ہائی کورٹ راولپنڈی بینچ نے ان کی درخواست مسترد کرتے ہوئے الیکشن کمیشن کا فیصلہ برقرار رکھا ۔ جس کے تحت اب این اے 60 پر انتخابات نہیں ہونگے تاہم اس کے تحت آنے والے دو صوبائی حلقے پی پی 16 اور 17 پر انتخابات کل 25 جولائی بروز بدھ شیڈول کے مطابق ہونگے ۔
