لاہور(آئی این پی)محکمہ موسمیات نے لاہور میں شروع ہونیوالی بارش 26جولائی تک جاری رہنے کی پیش گوہی کر دی ’ ایم ڈی واسا نے افسران اور عملے کو الرٹ جاری کر دیا، بارش سے25 جولائی کو پولنگ کا عمل متاثر ہونے کا خدشہ۔ایم ڈی واسا سید زاہد عزیز کا کہنا ہے کہ 22 سے 26 جولائی تک تیز بارش ہوگی۔ مشینری اور سٹاف چوکنگ پوائنٹس پر موجود رہے گا۔ فیلڈ سٹاف ہائی الرٹ رہے گا پولنگ ڈے پر پولنگ اسٹیشنز کے اطراف میں بھی نکاسی آب کا انتظام کیا جائے گامحکمہ بلدیات نے
تمام ضلعی اور ڈویژنل انتظامیہ کو خط بھی لکھا ہے کہ الیکشن والے دن بارش سے نمٹنے کے لئے فوری طور پر اقدامات کیے جائیں۔ پنجاب میں 190 پولنگ اسٹیشن ٹینٹ کے اندر بنائے جائیں گے۔ جہاں پر نہ عمارت ہوگی اور نہ ہی پانی یا بجلی کی سہولت ہوگی۔ محکمہ بلدیات نے ان پولنگ اسٹیشن پر خاص طور پر انتظامات کی ہدایت کی ہے علاوہ ازیں حکومت پنجاب نے تمام ڈویژنل کمشنرز اور ڈپٹی کمشنرز کو ہدایت کی کہ 25 جولائی کو بارش کی پیش گوئی کے باعث اقدامات اور پلان تیار کیا جائے۔
