شجاع آباد(آن لائن)سابق وزیراعظم یوسف رضا گیلانی بھی پنڈی بوائے شیخ رشید کے نقش قدم پر چل نکلے اور اسمبلی کے حلقہ این اے 158میں اپنے ووٹروں کو متاثر کرنے کے لئے موٹر سائیکل پر انتخابی مہم شروع کردی۔تفصیلات کے مطابق پیپلز پارٹی کے مرکزی رہنما اور سابق وزیراعظم یوسف رضاگیلانی بھی اپنے ووٹروں کو متاثر کرنے کے لئے ہر جتن کے لئے تیار نظر آرہے ہیں ۔
پنڈی بوائے شیخ رشید احمد کے نقش قدم پر چلتے ہوئے قومی اسمبلی کے حلقہ این اے 158کی انتخابی مہم کے لئے موٹر سائیکل پر مختلف علاقوں کا دورہ کیا اور ووٹرز کو متاثر کرنے کی کوشش کی ، کچھ ووٹرز نے تو انہیں موٹر سائیکل جیسی عام سواری پر اپنے درمیان پاکر خوشگوار حیرت کا اظہار کیا تاہم کچھ لوگوں نے اسے الیکشن اسٹنٹ قرار دیتے ہوئے کہا کہ انتخابات گزرنے کے بعد یہ لوگ کسی سے ملنا بھی گوارا نہیں کرتے ۔
