اسلام آباد(مانیٹرنگ ڈیسک)پشاور میں جلسے کے دوران سٹیج گر گیا، سٹیج پر امیر جماعت اسلامی سراج ، مشاق احمد خان و دیگر عمائدین موجود تھے، حادثے میں کوئی زخمی نہ ہوا۔ تفصیلات کے مطابق پشاور میں جلسے کے دوران جماعت اسلامی کے امیر سراج الحق و دیگر قائدین کی موجودگی کے دوران سٹیج گر گیا۔ اس دوران امیر جماعت اسلامی سراج الحق اور دیگر قائدین سٹیج پر موجود
کرسیوں پر براجمان تھے جبکہ ڈائس پر ایک مقرر خطاب کر رہا تھا۔ سٹیج گرنے کے واقعہ میں کسی کے زخمی ہونے کے اطلاعات موصول نہیں ہوئی، میڈیا رپورٹ کے مطابق سٹیج گرنے کے واقعہ میں امیر جماعت اسلامی سراج الحق سمیت تمام لوگ محفوظ رہے ۔ سٹیج گرنے کے آواز بہت زور دار تھی جس نے پنڈال میں ہلچل مچا دی اور لوگ بجائے سٹیج کی جانب مدد کیلئے جاتے، شرکا نے پیچھے کی جانب دوڑ لگا دی۔
