راولپنڈی(مانیٹرنگ ڈیسک) اڈیالہ جیل انتظامیہ نے نواز شریف سے ملنے کیلئے جانے والے (ن) لائرز ونگ کو ملاقات کی اجازت نہ دیکر موقف اپنایا ہے کہ ملاقات کی اجازت کسی کو نہیں دی جاسکتی ۔ ہفتہ میں ایک بار جمعرات کو ملاقاتوں کا دن مقرر ہوتاہے اور نواز شریف سے ملاقات کے خواہشمند جمعرات کو ہی تشریف لائیں ۔
واضح رہے گزشتہ روز طارق فضل چوہدری اور جاوید ہاشمی بھی جب نواز شریف سے ملنے گئے تو جیل انتظامیہ نے ان کو اجازت نہیں دی اور ان کے سامنے بھی یہی موقف رکھا کہ ملاقات کا دن جمعرات ہے اس لئے اگر آپ نواز شریف سے ملاقات کرنا چاہتے ہیں تو جمعرات والے دن تشریف لے آئیں ہم آپ کو ملاقات کرادینگے ۔
