کراچی(نیوز ڈیسک) سیاستدان انتخابی مہم کے دوران بے لگام ہو چکے ہیں، کوئی کسی کو گدھا کہہ رہا ہے تو کوئی کسی کو بے غیرت کہنے میں مصروف ہے اور کوئی کسی کو طوائف کی اولاد کہہ رہا ہے، ایسے میں ایک گدھا بھی سامنے آ گیا ہے جس پر کسی نے نواز لکھ کر اسے تشدد کا نشانہ بنایا گیا، کہاجاتا ہے کہ یہ کام تحریک انصاف کے کارکنان نے کیا ہے، گدھے کو اتنا مارا
گیا کہ وہ ادھ موا ہو گیا۔ اس گدھے کی ایک شہری نے جان بچائی، جانوروں کے لیے سرگرم تنظیم اے سی ایف اینیمل ریسکیو نے سماجی رابطے کی ویب سائٹ پر پوسٹ میں کہا کہ گدھے کو تشدد کا نشانہ بنایا گیا، تشدد سے اس کی ناک توڑی گئی، اس کے جسم پر لاتوں سے اتنا تشدد کیا گیا کہ گدھا بے ہوش ہو گیا۔ اس طرح اب جانور بھی سیاست کی بھینٹ چڑھنے لگ گئے ہیں۔
