راولپنڈی (نیوز ڈیسک) سابق وزیراعظم میاں نواز شریف کی اڈیالہ جیل میں بیرک سے سانپ نکل آیا، ایک موقر قومی اخبار نے دعویٰ کرتے ہوئے لکھا کہ جب میاں نواز شریف نے سانپ کو دیکھا تو ان کی طبیعت انتہائی خراب ہو گئی، وہاں موجود دوسرے افراد سانپ کو بھگانے میں کامیاب رہے لیکن اسے مار نہیں سکے۔ اخبار نے جیل ذرائع کے حوالے سے بتایا کہ اچانک میاں نواز شریف کی بیرک سے
سانپ سامنے آ گیا جس کو میاں نواز شریف نے دیکھا تو ان کا بلڈ پریشر ہائی ہو گیا، ان کے شور مچانے پر دیگر افراد نے سانپ کو وہاں سے بھگا دیا لیکن سانپ مارا نہیں جا سکا۔ ذرائع کے مطابق اس سانپ کی لمبائی تین فٹ سے زیادہ تھی، رپورٹ کے مطابق میاں نواز شریف کا ڈاکٹر سے معائنہ کرایا گیا تو وہ نارمل تھے۔ یاد رہے کہ میاں نواز شریف کا کمرہ جس بیرک میں ہے وہاں سے سانپ برآمد ہوا۔
