مردان (نیوز ڈیسک) مردان کی انتخابی فضاء میں تبدیلی ، ایک قومی اسمبلی اور دو صوبائی اسمبلی کی نشستوں پر پاکستان مسلم لیگ ن اور ایم ایم اے کے مابین انتخابی اتحاد ہو گیا ، پاکستان مسلم لیگ ن کے صوبائی صدر انجینئرا میر مقام اور ایم ایم اے کے صدر مولانا گل نصیب خان نے مشترکہ پریس کانفرنس کے ذریعے انتخابی اتحاد کا اعلان کر دیا ، اس سلسلے میں مردان میں مشترکہ پریس کانفرنس کی گئی جس میں پاکستان مسلم لیگ ن اور ایم ایم اے کے اُمیدواروں
سمیت مقامی عہدیداران اور اُمیدواران شریک ہوئے جس میں فیصلہ کیا گیا کہ این اے 21 مردان پر مولانا شجاع الملک ایم ایم اے اورپاکستان مسلم لیگ ن کے مشترکہ اُمیدوار ہونگے ، جبکہ پی کے 51 اور پی کے 52 پر حاجی خان اکبر آفریدی اور نواب ارسلا خان ہوتی مسلم لیگ ن اور ایم ایم اے کے مشترکہ امیدوار ہونگے انہوں نے واضح کیا کہ ماضی میں بھی ایم ایم اے اور پاکستان مسلم لیگ ن نے ایک دوسرے کا ساتھ دیا ہے اور آئندہ بھی دیتے رہیں گے۔
