اسلام آباد/ راولپنڈی(مانیٹرنگ ڈیسک)کیپٹن(ر) صفدر کی جانب سے اڈیالہ جیل میں عام قیدیوں کے ساتھ گھل مل جانے اور ممتاز قادری کی نعتیں پڑھنے سے متعلق جیل حکام میں پریشانی کی لہر دوڑ گئی ہے۔ ذرائع کا کہنا ہے کہ کیپٹن(ر) صفدر اپنے سسر نواز شریف اور زوجہ مریم نواز کے کہنے پر جیل میں نہ صرف عام قیدیوں سے میل جول زیادہ بڑھا دیا ہے بلکہ ممتاز قادری کی نعتیں بھی پڑھنا شروع کر دیں اور محفل نعت کے انعقاد کے لئے جیل حکام کو ایک تحریری درخواست بھی دے دی ہے۔
ذرائع کا کہنا ہے کہ جیل حکام کو خدشہ ہے کہ کیپٹن(ر) صفدر قیدیوں میں زیادہ اثر ورسوخ بڑھا کر نواز شریف کے موقف کی تائید حاصل کرنے کے لئے ممتاز قادری کے ویژن کو ایک پلان کے تحت پیش کر رہے ہیں ۔خدشہ ظاہر کیا جا رہا ہے کہ کیپٹن(ر) صفدر یونہی برق رفتاری کے ساتھ سراہیت کرتے گئے تو اڈیالہ جیل میں کوئی انہونہ واقعہ پیش آنے کا اندیشہ ہے ۔
