راولپنڈی (مانیٹرنگ ڈیسک)سابق وزیراعظم نوازشریف اور مریم نواز کودو راتیں جیل میں گزار نے کے بعد قیدی نمبرز الاٹ کردیئے گئے ،اتوار کی صبح قیدیوں والی وردیاں بھی فراہم کردی گئی،سابق وزیراعظم کو قیدی 3421اور ان کی صاحبزادی کو3422 ملا۔تفصیلات کے مطابق ایوان فیلڈ میں مجرم نوازشریف اور مریم نواز کو قیدی نمبرز الاٹ کردیئے گئے ہیں ۔
نواز شریف کو قیدی نمبر 3421 الاٹ کیا گیا ہے اور مریم نواز شریف کو قیدی نمبر 3422 الاٹ دیا گیا ہے اس کے علاوہ مریم نواز اور نوازشریف کو اتوار کی صبح قیدیوں کی وردیاں بھی فراہم کر دی گئی ہیں جبکہ نواز شریف کو سیل نمبر 11 میں رکھا گیا ہے ، نوازشریف کو دو مشتقی جبکہ صفدر اور مریم نواز کو ایک ایک مشقتی دیا گیاہے ۔
