اسلام آباد (نیوز ڈیسک) میاں نواز شریف اور مریم نواز گزشتہ روز ابو ظہبی سے لاہور پہنچے تو انہیں خصوصی طیارے کے ذریعے اسلام آباد ائیرپورٹ پہنچایا گیا جہاں سے انہیں اڈیالہ جیل منتقل کر دیا گیا، اس سلسلے میں نواز شریف کے صاحبزادے حسین نواز نے اپنے ایک ٹوئیٹر پیغام میں
سنگین الزام لگاتے ہوئے کہا کہ مجھے بتایاگیا ہے کہ میرے والد کو رات کو سونے کے لیے بستر نہیں دیا گیا اور غسل خانہ انتہائی غلیظ تھا، عرصہ دراز سے صفائی نہیں ہوئی تھی، اس ملک میں عوامی نمائندوں کی عزت کا دستور نہیں لیکن یہ بنیادی حقوق ہیں جن کا روکنا تشدد ہے۔
