اسلام آباد (مانیٹرنگ ڈیسک) مسلم لیگ (ن) کے صدر شہباز شریف ان کی والدہ اور حمزہ شہباز نواز شریف کے ماہر امراض قلب کے ڈاکٹر عدنان کے ہمراہ اڈیالہ جیل پہنچے ، جہاں پر ان کی ملاقات میاں نواز شریف ، مریم نواز اور کیپٹن (ر) صفدر سے کرائی گئی، ایک نجی ٹی وی چینل کے مطابق یہ ملاقات جیل سپرنٹنڈنٹ کے کمرے میں ایک گھنٹہ سے زائد وقت تک جاری رہی، اس موقع پر ماہر امراض قلب نے میاں نواز شریف کا
معائنہ بھی کیا ، والدہ نواز شریف کو ملتے ہوئے آبدیدہ ہو گئیں، ملاقات ختم ہونے کے بعد شریف خاندان کے افراد میڈیا سے گفتگو کیے بغیر اڈیالہ جیل سے روانہ ہو گئے۔ واضح رہے کہ سابق وزیراعظم میاں نواز شریف اور مریم نواز سے ملاقات کے لیے ایک نجی طیارے کے ذریعے میاں شہباز شریف ان کی والدہ اور حمزہ شہباز اسلام آباد ائیرپورٹ پہنچے تھے اور وہاں سے سیدھا اڈیالہ جیل گئے تھے جہاں پر انہوں نے یہ ملاقات کی۔
