اسلام آباد (نیوز ڈیسک) مسلم لیگ (ن) کی ریلی میں حساس اداروں کے مطابق 9 ہزار کے قریب افراد تھے، پولیس ذرائع کا کہنا ہے کہ ریلی میں شریک لوگوں کی تعداد 8 ہزار کے قریب تھی، مسلم لیگ (ن) کے ذرائع کے مطابق ریلی میں 30 ہزار افراد شامل ہوئے، آزاد ذرائع کا کہنا ہے کہ 10 ہزار افراد تھے، مختلف اضلاع سے بھی لوگ اس ریلی میں

شرکت کے لئے آئے ان میں فیصل آباد سے 200 سے 250 افراد نے شرکت کی، بہاولپور سے 100 سے 150 افراد شریک ہوئے، ساہیوال سے 150 سے 200 ، شیخوپورہ سے 500 سے 600 تک، سیالکوٹ سے 400 سے 500 افراد نے شرکت کی، اس کے علاوہ اوکاڑہ سے 80 سے 100 اور گوجرانوالہ سے ہزار سے بارہ سو افراد نے شرکت کی۔