لاہو ر(این این آئی) مسلم لیگ (ن) کے قائد محمد نوازشریف اور انکی صاحبزادی مریم نواز کے استقبال کے لئے نکالی گئی ریلی کے موقع پر لوہاری ، مال روڈ سمیت دیگر مارکیٹیں بند رہیں جبکہ کھلی مارکیٹوں میں بھی خریدار نہ ہونے کے برابر تھے ۔ تفصیلات کے مطابق گزشتہ روز نوازشریف اور انکی صاحبزادی مریم نواز کی لاہور آمد کے موقع پر
مسلم لیگ (ن) کے صدر محمد شہبازشریف کی قیادت میں مسلم مسجد لوہاری گیٹ سے ریلی نکالی گئی ۔ اس موقع پر لوہاری سمیت تمام ملحقہ مارکیٹیں اور بازار بند رہے ۔ اس کے ساتھ مال روڈ پر بھی مارکیٹیں بند رہیں تاہم ہال روڈ ،انار کلی بازار اور بیڈن روڈ پر دکانوں کی جزوی بندش نظر آئی مگر ان بازاروں میں بھی خریدار نہ ہونے کے برابر تھے ۔
