لاہور(آ ئی این پی)بلاول بھٹو کے جہاز کو لاہور ایئرپورٹ سے ٹیک آف کرنے سے روک دیا گیا،ترجمان بلاول بھٹو سینیٹر مصطفی نواز کھوکھرنے کہا کہ سول ایوی ایشن نے لاڈلے عمران خان کو جانے دیا اور بلاول بھٹو کو روک دیا،الیکشن کمیشن ان رکاوٹوں کا نوٹس لے اور سول ایوی ایشن کے حکام کے خلاف کارروائی کی جائے۔جمعہ کوبلاول بھٹو کے جہاز کو لاہور ایئرپورٹ سے اڑنے سے روک دیا گیا۔

ترجمان بلاول بھٹو سینیٹر مصطفی نواز کھوکھرنے کہا کہ چیئرمن پی پی پی بلاول بھٹو کو لاہور سے پشاور جانا تھا۔اس سے پہلے عمران خان کا جہاز جانے دیا گیا۔سول ایوی ایشن نے لاڈلے کو جانے دیا اور بلاول بھٹو کو روک دیا۔نگران حکومت اور انتظامیہ کا رویہ لاڈلے کے ساتھ اور پی پی پی اور دیگر جماعتوں کے ساتھ مختلف ہے۔الیکشن کمیشن ان رکاوٹوں کا نوٹس لے اور سول ایوی ایشن کے حکام کے خلاف کارروائی کی جائے۔