لاہور (این این آئی) وزارت دفاع نے قومی احتساب بیورو (نیب) کی ٹیم کولاہور ائیرپورٹ کے اپرن جا کر سابق وزیراعظم نوازشریف اورا ن کی صاحبزادی مریم نواز کو گرفتار کرنے کی اجازت دیدی۔ بتایاگیا ہے کہ نواز شریف اورا نکی صاحبزادی مریم نواز آج ( جمعہ ) براستہ دبئی سے لاہور پہنچیں گے جنہیں گرفتارکرنے کیلئے نیب لاہور کی ٹیم پرواز آنے سے
ایک گھنٹہ قبل لاہور ایئر پورٹ پہنچ جائے گی ۔طیارہ لینڈ کرنے کے بعد اپرن جاکر دونوں کو گرفتار کر لیا جائیگا اور فوری طور پر طور پرہیلی کاپٹرکے ذریعے راولپنڈی منتقل کیا جائیگا جبکہ نوازشریف ، مریم نواز کے پاسپورٹ ایف آئی اے امیگریشن کے حوالے کیے جائیں گے۔ ذرائع کے مطابق نیب کے دو آفیسر نوازشریف اور مریم نواز کے ساتھ جائیں گے ۔
