اسلام آباد(مانیٹرنگ ڈیسک)نیو اسلام آباد ائیرپورٹ پر ضعیف العمر خاتون سے آتشی اسلحہ کی درجنوں گولیاں برآمد ہونے پر قانون نافذ کرنے والے ادارے چکراکر رہ گئے ۔آئی ایس ایف نے عمر رسیدہ خاتون کو اے این ایف میں منتقل کردیا ۔گزشتہ روزیہ واقعہ اس وقت پیش آیا جب ایک عمر رسیدہ خاتون پرواز ٹی جی 350سے ہانگ کانگ جارہی تھی ۔

خاتون رحمت نور کے سامنے کی جب تلاشی لی گئی تو ان کے بیگ سے 6تیس بور پسٹل اور 15رائفل کی گولیاں برآمد ہوئی۔ گولیاں برآمد ہونے کے بعد اے ایس ایف نے دریافت کیا تو خاتون کا کہنا تھا کہ ان گولیوں کی موجودگی کا انہیں کوئی علم نہیں۔ انہوں نے مزید کہا کہ ایسی حرکت کرنے والے شرپسند عناصر کے خلاف تحقیقات کر کے انہیں کیفر کردار تک پہنچا جائے اور تفتیش کے دوران وہ اپنے اداروں سے بھرپور تعاون کرے گی۔