لاہور(مانیٹرنگ ڈیسک) ایون فیلڈ ریفرنس میں سزا سنائے جانے کے بعد سابق وزیراعظم نواز شریف اور ان کی صاحبزادی مریم نواز رآج جمعہ کو لندن سے لاہور کے علامہ اقبال انٹرنیشنل ایئرپورٹ پہنچیں گے اس دوران مسافروں کو کسی ممکنہ تکلیف سے بچانے کیلئے انتظامیہ کی جانب سے ہدایت نامہ جاری کیا گیا ہے۔
جس میں مسافروں کو ہدایت کی گئی ہے کہ بیرون ملک جانے والے مسافر فلائٹ شیڈول سے کم ازکم چھ گھنٹے پہلے آئیں۔ذرائع کے مطابق مسافروں کوبذریعہ شٹل سروس ایئرپورٹ تک پہنچایا جائیگا،شٹل سروس بھٹہ چوک،گجومتہ سے فراہم کی جائے گی جبکہ محفوظ پارک اورنیازی شہیدچوک سے بھی شٹل سروس فراہم کی جائے گی۔
