جلال آباد(نیوز ڈیسک)افغان صوبہ ننگر ہار کے ضلع جلال آباد میں ایک خود کش حملہ میں 15افراد جاں بحق جب کہ 7افراد زخمی ہو گئے،علاقے میں موجود دکانوں اور متعدد گاڑیوں کو نقصان پہنچا، اب تک کسی گروپ نے حملے کی ذمہ داری قبول نہیں کی۔ بین الاقوامی ذرائع ابلاغ کے مطابق افغان صوبہ ننگر ہار کے ضلع جلال آباد میں ایک خود کش حملہ میں 15افراد جاں بحق جب کہ 7افراد زخمی ہو گئے جس کی وجہ سے علاقے میں افراتفری کا سا سماں پیدا ہوگیا۔

دھماکے کی شدت کی وجہ سے علاقے میں موجود دکانوں اور متعدد گاڑیوں کو نقصان پہنچاہے۔ لیکن اب تک کسی گروپ نے حملے کی ذمہ داری قبول نہیں کی ہے۔ صوبائی گورنر کے ترجمان عطاء اللہ خوگیانی نے اس حملے کی تصدیق کی اور کہا کہ فوری طور پر ریسکیو کارروائی شروع کر دی گئی ہے ۔ حملے میں زخمی ہو نے والوں میں کچھ زخمی تشویشناک حالت میں ہیں۔ انہوں نے اس قبل پٹرول پمپ کو آگ لگنے کی خبر کو افواہ قرار دیتے ہوئے کہا کہ ایساکوئی واقعہ نہیں ہوا ہے۔