اسلام آباد(مانیٹرنگ ڈیسک)عام انتخابات سر پر ہیں اس سلسلے میں ملک بھر میں مختلف سیاسی جماعتوں کی جانب سے انتخابی مہم عروج پر ہے ۔ سینئر صحافی اور اینکر پرسن حامد میر نے اسی تناظر میں صوبائی دارالحکو مت پشاور میں عوامی سروے کیا ۔حامد میر نے اپنے پروگرام کے دوران مختلف لوگوں سے گفتگو کی ۔کچھ لوگوں نے نوازشریف اور کچھ نے عمران خان کے حق میں اپنا ’’ووٹ‘‘ ڈالا،تحریک انصاف کے حامیوں نے کہا کہ نوازشریف کرپٹ آدمی ہے ۔ملک میں تبدیلی آنی چاہئے ۔

عمران خان کو ایک چانس ملنا چاہئے ۔ وہ خود بذات ایک اچھا آدمی ہے ۔اس نے کتنی شادیاں کی ہیں یہ اس کا ذاتی فعل ہے ۔دوسری جانب نوازشریف کے حامیوں نے کہا کہ تحریک انصاف کی سابق صوبائی حکومت نے پشاورکا بیڑہ غرق کردیا ہے۔بس ریپڈ ٹرانسپورٹ سسٹم کی وجہ سے شہر میں چلنا محال ہو گیا ہے لوگ مختلف بیماریوں کا شکار ہو رہے ہیں جو شخص اپنی بیوی کو نہیں سنبھال سکتا وہ ملک کیسے سنبھالے گا۔