ٹیکسلا(نیوز ڈیسک) سابق وفاقی وزیر داخلہ چوہدری نثار علی خان نے اپنے جلسے میں شرکاء کی طرف سے’’ وزیراعظم چوہدری نثار’’ وزیراعظم چوہدری نثار‘‘ کے نعرے لگانے والوں کو روک دیا اور کہا کہ میرے نام پر وزیراعظم کے نعرے نہ لگائیں پہلے وزیراعظم کا جو حال ہوا وہ سب کے سامنے ہے ، میں نے پشتو سیکھی تو اس میں سب سے پہلے پشتو گالیاں سیکھی تھیں،
پختون بھی غیرتمند قوم ہیں میں نے کبھی پختونوں کو بے غیرت ہوتے نہیں دیکھا، جو بات کرتا ہوں عمل کرکے دکھاتا ہوں۔ وہ پیر کو پختون برادی کی کارنر میٹنگ سے خطاب کر رہے تھے ۔چوہدری نثار نے کہا کہ امیر یا غریب ہونا اللہ تعالی کی دین ہے، میرے دل میں پشتونوں کی عزت ہے، آج لگتا ہے ہم پختونخوا میں بیٹھے ہوے ہیں، آج کا یہ اجتماع میری الیکشن مہم کے لیے بہت مبارک ثابت ہوگا، پشتون ہمیشہ دل کی بات کہتا ہے، راولپنڈی جو شخص میرے خلاف الیکشن لڑرہا ہے اس کو خان کہنا درست نہیں، میں ثابت کروں گا میں جو بات کرتا ہوں عمل کرکے دکھاتا ہوں، اگر ایک ووٹ والے کے ساتھ زیادتی ہوگی تو میں اس کے ساتھ ہوں گا۔انہوں نے کہا کہ میں نے سب سے پہلے پشتو گالیاں سیکھیں تھیں۔ مجھے پہلے پشتو آتی تھی اب بھول گیا ہوں۔ پختون بھی غیرتمند قوم قوم ہیں میں نے کبھی پختون کو بے غیرت ہوتے نہیں دیکھا ۔ مجھے لگتا ہم ٹیکسلا نہیں پختونخوا میں بیٹھے ہوئے ہیں۔ آج کا یہ اجتماع میرے الیکشن کے لئے بہت مبارک ہو گا۔ پختون کبھی دوغلی بات نہیں کرتا جو کہتا ہے وہ پورا کرتا ہے۔ چوہدری نثار نے کہا کہ میرے نام پر وزیراعظم کے نعرے نہ لگائیں پہلے وزیراعظم کا کیا حال ہوگیا ہے، یہ سیاست آسان کام نہیں ہے ،ووٹ لینا آسان ہے اس کا حق ادا کرنا مشکل ہے، میں دعا کرتا ہوں کہ آپ کے ووٹ کا حق ادا کروں، ٹیکسلا کے مقام پر پشتون جرگہ تشکیل ہونا چاہئے، میری جو طاقت ہے وہ آپ کے مسائل کے حل کے لیے ہے، اس علاقے میں پشتون کی عزت کی حفاظت ہو۔
