رحیم یار خان (نیوز ڈیسک) رحیم یار خان میں 400ووٹ برائے فروخت کا بینر لگانے والے صادق کو پولیس نے گرفتار کرلیا۔ اہل علاقہ محلہ اسلام نگر کے رہائشیوں نے صادق کی گرفتاری کے خلاف احتجاجی مظاہرہ کیا۔اہل علاقہ نے کہا کہ سہولیات کا فقدان ہونے کی وجہ سے ووٹ برائے فروخت کا بینر آویزاں کیا
گیا تھا ۔سہولیات سے محرومی کے باعث 400 ووٹ برائے فروخت کا بینر آویزاں کیا جس پر محمد صادق کو گرفتار کر لیا گیا، اہل علاقہ نے صادق کے خلاف مقدمہ ختم کرنے کا مطالبہ کیا ہے ۔ پولیس کے مطابق الیکشن ضابطہ اخلاق کی خلاف ورزی کرنے والے بینرآویزاں کرنے پر محمد صادق کو گرفتار کیا گیا۔
