اسلام آباد (مانیٹرنگ ڈیسک) معروف صحافی محمد مالک نے ایک نجی ٹی وی چینل کے پروگرام میں انکشاف کرتے ہوئے کہا کہ حسین نواز آج کل بہت زیادہ پریشان ہیں، معروف صحافی محمد مالک نے بات چیت کرتے ہوئے کہا کہ ایوین فیلڈ کا جو فیصلہ آیا ہے اس سے کچھ دن پہلے ہی برطانوی ہوم ڈیپارٹمنٹ نے حسین اور حسن نواز کو ایک سوالنامہ بھیجا ہوا ہے جس میں اسی فنڈنگ کے بارے میں بات کی گئی تھی اور اب دیکھنا
یہ ہے کہ اس فیصلے کے بعد کیا چیزیں بدلیں گی۔ معروف صحافی محمد مالک نے کہا کہ حسین نواز آج کل ایک بات سے بہت پریشان ہیں ،انہیں ڈر ہے کہ انہیں اور اسحاق ڈارکو انٹرپول کے ذریعے پاکستان لے جایا جائے گا، معروف صحافی نے کہا کہ حسین نواز برطانوی شہری نہیں ہیں صرف حسن نواز ہی برطانوی شہری ہیں، اس لئے حسین نواز کا پاسپورٹ بھی منسوخ ہو سکتا ہے اور بھی بہت ساری چیزیں ہو سکتی ہیں۔
