کراچی (مانیٹرنگ ڈیسک)حسین لوائی ودیگر کے خلاف ایف آئی آر کے مندرجات سامنے آگئے ۔ایف آئی آر میں بڑی سیاسی اور کاروباری شخصیات کے نام شامل ہیں جبکہ منی لانڈرنگ سے فائدہ اٹھانے والی آصف علی زرادری، فریال تالپور کی کمپنی کا تذکرہ بھی ہے۔ایف آئی آر کے متن کے مطابق زرداری گروپ نے ڈیڑھ کروڑ کی منی لانڈرنگ کی رقم وصول کی، ایف آئی آر میں انور مجید کی کمپنیوں کا بھی ذکر کیا گیا ہے۔
ایف آئی آر میں نزلی مجید، نمرہ مجید، عبدالغنی مجید فائدہ اٹھانے والوں میں شامل ہیں۔ابتدائی طور پر ایف آئی آر 10 ملزمان کے خلاف درج کی گئی ۔چیئرمین سمٹ بینک نصیر عبداللہ لوتھا، عبدالغنی مجید،اسلم مسعود، محمد عارف خان، نورین سلطان، کرن امان، عدیل شاہ راشدی، طحہ رضا بھی ایف آئی آر میں نامزدہیں۔ایف آئی آر متن کے متن کے مطابق منی لانڈرنگ سے فائدہ اٹھانے والی کمپنیوں اور افراد کو سمن جاری کردئے گئے ہیں۔ منی لانڈرنگ سے فائدہ اٹھانے والے افراد/ کمپنیوں سے وضاحت طلب کی گئی ہے۔
