اسلام آباد(مانیٹرنگ ڈیسک)برطانوی ہوم ڈیپارٹمنٹ کی جانب سے حسن اور حسین نواز کوکچھ روز پہلے ایک سوالنامہ بھجوائے جانے کا انکشاف، جس میں ان سے انکی جائیدادوں اور فنڈنگ کے بارے میں معلومات پوچھی گئی ہیں ،سینئر صحافی اور اینکر پرسن محمد مالک کے مطابق حسن اور حسین نواز کو چند دن پہلے ایک سوالنامہ بھجوایا گیا ہے ۔
جس میں ان سے جائیدادوں اور فنڈنگ کے حوالے سے جوابا ت مانگے گئے ہیں،حسین نواز کو ڈر ہے کہ انہیں اور اسحاق ڈار کو انٹرپول کے ذریعے گرفتار کر لیا جائے گا۔کیونکہ وہ برطانوی شہریت نہیں رکھتے ۔ واضح رہے سابق وزیر اعظم کے بیٹے حسن نواز برطانیہ کی شہریت رکھتے ہیں ۔گزشتہ روز ان دونوں کی غیر موجودگی کے باعث احتساب عدالت نے ان کیخلاف کوئی فیصلہ نہیں سنا یا تھا۔
