اسلام آباد(مانیٹرنگ ڈیسک)بڑی کرپشن کا بڑا فیصلہ، احتساب عدالت نے نواز شریف ، مریم نواز، کیپٹن صفدر کو ایون فیلڈ ریفرنس میں مجرم قرار دیتے ہوئے سزا سنا دی۔ احتساب عدالت اسلام آباد کے جج محمد بشیر نے ایون فیلڈ ریفرنس کا فیصلہ سناتے ہوئے نواز شریف کو ایون فیلڈ ریفرنس میں مرکزی ملزم
قرار دیا ہے ، مریم نواز ، کیپٹن صفدر بھی شریک مجرم قرار دئیے گئے ہیں۔ فیصلہ سنانے کے وقت عدالت میں نیب پراسیکیوٹر اور نواز شریف، مریم نواز اور کیپٹن صفدر کے وکلا عدالت میں موجود تھے۔واضح رہے کہ عدالت پہلے ہی نواز شریف کے دونوں صاحبزادوں حسن اور حسین نواز کو اشتہاری قرار دے چکی ہے ۔
