لاہور(مانیٹرنگ ڈیسک)پاکستان پہنچ گیا ہوں،ن لیگ کے ساتھ فیصلہ کن مقابلے کے لیے تیار ہوں۔جہانگیر ترین نے واپس پہنچتے ہی دبنگ اعلان کردیا،نجی ٹی وی کے مطابق پاکستان تحریک انصاف کے رہنما جہانگیر ترین جواچانک لندن روانہ ہو گئے تھے اب وہ پاکستان واپس آ چکے ہیں اور انہوں نے اس متعلق ٹویٹ کرتے ہوئے کہا ہے کہ میں پاکستان پہنچ چکا ہوں اور ن لیگ کے ساتھ فیصلہ کن مقابلے کے لیے پوری طرح تیار ہوں۔
آئیں سب مل کر عمران خان کا ساتھ دیں اور پاکستان پر قابض مافیہ کو شکست فاش دیں۔انہوں نے کہا کہ کرپٹ عناصر سے ملک کی جان چھڑانے کا اس سے اچھا موقع شاید ہمیں دوبارہ نہ ملے۔واضح رہے کہ اس سے پہلے یہ اطلاعات تھیں کہ جہانگیر ترین پارٹی ٹکٹوں کی تقسیم میں اختلافات کے باعث لندن چلے گئے تھے لیکن ان کی واپسی کے بعد افواہوں کا خاتمہ ہو چکا ہے۔
